Рэалізуем адукацыйны пілотны праект
17.11.2022З 8 па 15 лістапада 2022 года прайшлі экскурсіі па вучэбным прадмеце "Беларуская літаратура" для вучняў 10 класаў. Для рэалізацыі праекта быў абраны турыстычны маршрут “Літаратурна-краязнаўчы музей Якуба Коласа” (вёска Пінкавічы).
Верыч Ж.М., метадыст ЦТДіМ, расказала вучням, якое месца займала Пінскае Палессе ў жыцці і творчасці класіка беларускай літаратуры Якуба Коласа. Тут, сярод простых палешукоў, ён знаходзіў вобразы сваіх літаратурных герояў. Асаблівую ўвагу Жанна Мікалаеўна звярнула на напісанне трылогіі Якуба Коласа “На ростанях”: гісторыю напісання і праблематыку, аўтабіяграфізм твора, яго сюжэтную і кампазіцыйную асаблівасці.
Экскурсіі былі пазнавальнымі і цікавымі, навучэнцы даведаліся шмат новых фактаў, звязаных з жыццем і творчасцю знакамітага песняра.
Кахновіч С.К., метадыст РВМК