Творчасць паэта - на многія лета
15.11.2022Жанна Верыч прэзентавала дзейнасць народнага літаратурна-краязнаўчага музея Якуба Коласа ў коласаўскіх чытаннях “Якуб Колас: нашчадкам памяць зберагаць ”. Расказала пра жыццё і працу Якуба Коласа ў вёсцы Пінкавічы, творчы шлях паэта.
Падзеяй свята стала прэзентацыя праўнучкай вялікага песняра Васілінай Міцкевіч кнігі “Табой я жыў, табой жыву…” пра жонку Якуба Коласа.
Удзельнікі прайшліся з экскурсіяй па Алеі пісьменства, усклалі кветкі да помніка Якуба Коласа ў Ганцавічах.
А Люсінская школа перанесла ўдзельнікаў на некаторы час у гістарычнае мінулае гэтага куточка палескай глушы. Госці ўсклалі кветкі да памятнага знака на месцы старой школы (першае месца працы настаўніка К.М. Міцкевіча і героя трылогіі “На ростанях” Андрэя Лабановіча), садзілі дубовую алею, наведалі музей Якуба Коласа ў Люсінскай сярэдняй школе.
Свята стала добрым пацверджаннем наступных радкоў: “Творчасць паэта - на многія лета”.
С.К.Кахновіч, метадыст РВМК