Вясёлая каляда
12.01.2022У рамках работы па гадавой задачы і з мэтай патрыятычнага выхавання дзяцей дашкольнага ўзросту праз далучэнне да нацыянальнай культуры беларусаў, азнаямленне іх з абрадамі і традыцыямі беларусаў у ДУА “Стытычаўскі яслі-сад Пінскага раёна” прайшлі каляды. На Беларусі калядоўшчыкаў звалі па-рознаму: «каляднікі», «звездары». Прыходу калядоўшчыкаў сяляне чакалі з нецярпеннем. Трыдыцыйна прысутнічалі сярод калядоўшчыкаў Дзед (сімвалізуе памерлых продкаў, «дзядоў», Баба (як і Дзед, увасабляе памерлых продкаў), Мядзведзь (ён сімвалізуе здароўе, багацце, плоднасць і сілу, адначасова ён увасабляе дзікую прыроду, з якою трэба пасябраваць, дамовіцца, каб яна была прыхільнай), Каза (увасабляе дабрабыт, урадлівасць, багацце, сімвалізуе смерць і адраджэнне прыроды), была і калядная зорка - сімвал развіцця, удасканалення, чалавечай мудрасці. Калядоўшчыкі спявалі песні, танцавалі, славілі гаспадароў, за гэта іх адорылі прысмакамі.
У народзе казалі: «Каляда прыйдзе — добры год будзе», «Калядоўшчыкі ў хату шчасце нясуць». Дык будзем спадзявацца, што ў нас усіх, у нашых сем’ях, нашай краіне будуць панаваць мір, згода і любоў.