Наша спадчына
01.04.2016| Ад прадзедаў спакон вякоў Мне засталася спадчына… | ||
| Менавіта словамі з верша Я.Купалы “Спадчына” ва ўстанове адукацыі “Бабрыкоўская сярэдняя школа” Пінскага раёна пачаўся конкурс “Радавод”, які праходзіць у рамках фестывалю талентаў на працягу навучальнага года. | ||
| Намеснік дырэктара па выхаваўчай рабоце Завадская С.М. запрасіла гледачоў зрабіць падарожжа па народных святах і абрадах, якія адзначаюць беларусы на працягу года. А пачалося падарожжа з зімы,дзе самае галоўнае свята – Каляда. Абрад святкаванняпрадставілі вучні ХІ класа, у абрадзе прынялі ўдзел і бацькі вучняў: Быковіч Ж.В., Міхалевіч І.В., Калесніковіч В.І. Абрад суправаджаўся песнямі і танцамі, гаспадыняй свята стала Каза, таму што лічылася, што “дзе каза ходзіць – тамжыта родзіць”, дзе “каза рогам – тамжыта стогам”, “дзе каза нагой – тамжыта капой”. | ||
 | ||
| На Каляды шмат танцавалі, спявалі, а вучні VII класа выканалі калядную песню, якую традыцыйна спяваюць на свята ў вёсцы Дабраслаўка Пінскага раёна. | ||
| На свята “Масленіца” запрасілі гледачоў вучні Х класа пад кіраўніцтвам класнага кіраўніка Курыльчык Т.Р. Гледачы паласаваліся стравамі з малака і блінамі. | ||
 | ||
| Уцякай, мароз-дзядуля! Чуеш ты, стары, ці не? На пагорках булі-гулі – Песні чуюцца… вясне. (Я. Колас) | ||
| Пачатак вясны беларусы сустракалі святам “Гуканне вясны”, якое прадэманстравалі вучні VI класа пад кіраўніцтвам педагога дадатковай адукацыі Калесніковіч А.У. Сухаверхая Вольга праспявала вяснянкі, у якіх беларусы звярталіся да прыроды. | ||
 | ||
| Пасля вясны, якая адорвае зямлю цяплом і сонечным святлом, надыходзіць лета. Вучні пачатковых класаў спявалі прыпеўкі і песні пра лета. Дроз Дар’я і Завацкая Аліна выканалі песню “Курка Чаботурка”, якую ім перадала прабабуля Завацкая Марыя Уладзіміраўна з вёскі Церабень Пінскага раёна. | ||
|
| ||
| Восеньскіх свят значна менш, чым іншых. Тлумачыцца гэта тым, што заканчваюцца палявыя работы і наступае кароткая перадышка. А што ёсць святы, ды без байкі. Дрозд Ганна, вучаніца ІХ класа, у ролі сапраўднай гаспадыні расказала байку пра бабулю Хвядору. | ||
|
| ||
| На жаль, конкурс скончыўся, падведзены вынікі, аднак яшчэ доўгі час вучні і бацькі ўспаміналі нумары з конкурса. | ||
| Веданне гісторыі свайго краю, песен, абрадаў – важная частка культурнай спадчыны народа, якая спадарожнічае чалавеку на працягу ўсяго яго жыцця. | ||
| Як усё ж такі добра, што мы нарадзіліся ў такім прыгожым краі, сярод такога здольнага народа. І пакуль будзе жыць наш народ, датуль будуць заварожваць нашу душу бабульчыны песні, матуліны казкі, весяліць наша сэрца народныя жарты. | ||
| Н.М.Курыльчык, намеснік дырэктара па вучэбнай рабоце ДУА “Бабрыкоўская сярэдняя школа” Пінскага раёна |
