Аб творчай сустрэчы настаўнікаў беларускай мовы і літаратуры, вучняў старэйшых класаў з паэтам-земляком Анатолем Шушко

Мне гаманіць ВЯСНОВЕЙ
На беларускай мове.
На матчынай, на крэўнай,
Расістай, зорнай, спеўнай.

18 мая 2016 года ў ДУА "Стытычаўская сярэдняя школа" Пінскага раёна адбылася  творчая сустрэча настаўнікаў беларускай мовы і літаратуры, членаў праблемнай групы, вучняў 10-х профільных класаў па беларускай мове ДУА "Стытычаўская сярэдняя школа" Пінскага раёна і ДУА "Плешчыцкая сярэдняя школа" Пінскага раёна з Анатолем Іванавічам Шушко,  вядомым паэтам Піншчыны, членам Саюза пісьменнікаў Беларусі, аўтарам кніг “Выток і прычасце”, “Шаны” (шан – мера жыта ў весцы, дзе нарадзіўся паэт) і інш.

На парозе школы вучні сустрэлі гасцей абрадавай песняй, якая суправаджалася народным танцам “Жніво”, а пасля запрасілі да сябе на мерапрыемства, прысвечанае творчасці паэтаў і пісьменнікаў Піншчыны. Вучні нагадалі аб творчасці знакамітых землякоў, дэкламавалі іх вершы, у суправаджэнні музыкальнага інструмента дзяўчынкі выканалі песню на словы Надзеі Парчук. 

Самыя моцныя ўражанні засталіся ў удзельнікаў мерапрыемства ад дыялогу з Анатолем Іванавічам, які спачатку расказаў пра свае першыя крокі ў паэзіі, з пацертага вучнеўскага сшытка зачытаў свае першыя вершы школьнага і студэнцкага часу. Паэт паказаў дзецям усе свае лісты з адказамі і рэкамендацыямі ад рэдакцый газет і часопісаў на яго вершы для публікацыі. Рэдактарамі яго спроб пяра былі Ніл Гілевіч, Алег Лойка, Яўген Крупенька, Мікола Хведаровіч, Міхась Рудкоўскі і др. 

Анатоль Іванавіч шмат сваіх вершаў прысвяціў сваёй малой радзіме, землякам. З праніклівым болем, шчырай гораччу нязменнай страты прачытаў паэт верш “Зямлячцы”, прысвечаны Яўгеніі Янішчыц, верш “Маёй Беларусі”. Вершы “Дыялог у Пінску”,  “Пінскі вальс”, “А зараніцам спець” і іншыя прагучалі на мерапрыемстве ў выкананні вучняў.

Анатоль Іванавіч прапанаваў вучням незвычайнае творчае заданне: прыдумаць і дадаць  рыфму да яго радкоў, і тым самым паспрабаваць сябе ў ролі паэтаў. Ахвотна адказаў на ўсе пытанні вучняў наконт  яго творчасці і натхнення.

Хочацца адзначыць, што гэта не першая сустрэча навучэнцаў з паэтамі і пісьменнікамі Піншчыны. Дзеці з задавальненнем на працягу навучальнага года наведваюць і музей Я.Янішчыц  у в. Парэчча, музей Я.Коласа ў в. Пінкавічы, музей А.Блока ў в. Лапаціна, дзе есць магчымасць дакрануцца да мінуўшчыны, да перыяду жыцця і творчасці паэтаў. Не так даўно вучні ДУА “Лышчанская сярэдняя школа” Пінскага раёна з настаўнікамі беларускай мовы і літаратуры запрашалі Анатоля Іванавіча Шушко да сябе на сустрэчу. Акрамя таго, вучні раёна штогод прымаюць актыўны ўдзел у літаратурным конкурсе пачанаючых паэтаў і празаікаў “Дэбют”,  па выніках якога друкуюцца зборнікі вершаў “Літаратурны вернісаж”, “Свет вачыма дзяцей” і інш.  Людміла Іванаўна Сачкоўская, настаўнік ДУА "Стытычаўская сярэдняя школа" Пінскага раёна са сваімі навучэнцамі супрацоўнічаюць з кафедрай журналістыкі пры Брэсцкім дзяржаўным універсітэце імя А.С.Пушкіна, штогод актыўна прымаюць удзел  у  абласным конкурсе “Стань журналістам”,  у абласным творчым юнкараўскім конкурсе  “Маршрут міласэрнасці” (намінацыя “Інтэрв’ю”), дзе маюць значныя дасягненні. У настаўніка з вучнямі наладжана цесная сувязь с паэткай Піншчыны Надзеяй Парчук, якая не змагла прыехаць на запланаваную сустрэчу па хваробе і паабяцала прыехаць на пазакласнае мерапрыемства восенню. 

Усе прысутныя засталіся задаволеныя сустрэчай з паэтам. Кожны з сабой вынес часцінку цяпла і шчырасці паэта, а жадаючыя завалодалі аўтографам паэта-земляка і зрабілі фатаздымкі на памяць!

 Метадыст ВМК РААСіТ                                                      І.М. Шэлест