Музей лёну ў Парахонскім яслях-садзе
30.08.2016
Ой, сэрца лянок, Маёй радасці лянок Усе бялюсенькі кужалёк |
Словы гэтай песні ведае кожны беларус. Блакітныя кветачкі лёну мы бачым на нашым дзяржаўным гербе. Чым жа заслужыў сабе такую славу лён? Каб больш падрабязна разабрацца ў гэтым мы звярнуліся да гісторыі, а потым стварылі музей лёну ў нашай дашкольнай установе. Напоўняюць музей экспанаты: насенне лёну, кудзеля, льняныя ніткі, розныя віды тканіны. Знаемім выхаванцаў з льнянымі вырабамі: сурвэткі, рушнікі, настольнікі, пасцельная бялізна, прадметы адзення. Паказваем і расказваем, як з карычневых бліскучых зярнятак вырастае расліна, потым квітнее прыгожымі блакітнымі кветкамі, якія ператвараюца у рыжаватыя каробачкі. |
Расказваем, як у старыну лён трапалі, часалі, пралі, ткалі, якімі для гэтага карысталіся прыладамі: трапалка, часалкі, калаўрот, вярстак, як адбываецца гэты працэс на сучасных льнозаводах. Знаемім з беларускімі прадпрыемствамі па перапрацоўцы лёну: “Аршанскі”, “Ляхавічскі”, “Чашнікскі”, “Церахаўскі” льнозаводы. Знаемім з беларускімі фірмамі па распрацоўцы і пашыву адзення, бялізны: “Цэнтр моды” г.Мінск, “Юнона” г.Маладзечна, швейна-тарговая фірма “Элод” г.Гродна. Такім чынам, з дапамогай музейных экспанатаў, мы знаемім дашкольнікаў з уласцівасцямі лёну, развіваем мастацкі густ і здольнасць акружаць сябе прадметамі і рэчамі, якія прыносяць эстэтычнае задавальненне, ствараюць утульнасць і камфорт.
ДУА “Парахонскі яслі-сад Пінскага раёна” Л.І.Ціханчук |