15.03.2017 "Мінск - сталіца Беларусі"
22.03.2017У ДУА "Купяціцкі яслі-сад Пінскага раёна" выхавацелі рознаўзроставай групы №1 Банцевіч Т.В. і Назарава Л.І. правялі мерапрыемства "Мінск - сталіца Беларусі" ў рамках рэспубліканскай акцыі "Я - грамадзянін Беларусі", прымеркаванай да святкавання дзяржаўнага свята Дня Канстытуцыі Рэспублікі Беларусь.
Занятак праходзіў у форме завочнай экскурсіі па Мінску. Галоўнай мэтай нашага мерапрыемства з'яўлялася выхаванне любові да сваёй Радзімы, фарміраванне ўяўленняў дзяцей пра сталіцу Рэспублікі Беларусь - горад Мінск, яго асноўныяславутасці.
Дзеці перамяшчаліся па Мінску з дапамогай метрапалітэна. Для гэтага мы выкарыстоўвалі аўдыёзапіс электрацягніка ў метрапалітэне і рухомую гульню "У мятро". Першы прыпынак - "Прадпрыемствы, якімі ганарыцца сталіца". Для гэтага мы выкарыстоўвалі мультымедыйную прэзентацыю "Прадпрыемствы сталіцы і іх прадукцыя".
На другім прыпынку мы пазнаёмілі дзяцей з ілюстрацыямі плошчы Перамогі і стэлы "Мінск - горад-герой", а таксама паказалі ўрывак з кінастужкі "Брэсцкая крэпасць". Далей дзеці разгледзелі ілюстрацыю параду ў горадзе Мінску і святочнага салюту, пасля чаго размалявалі контурны малюнак салюту.
На апошнім прыпынку выхаванцы пазнаёміліся з Беларускім дзяржаўным цыркам, для гэтага мы правялі рухомую фізкультхвілінку "На арэне цырка".
У завяршэнне мерапрыемства мы з дзецьмі падвялі вынікі і пагулялі ў беларускую народную гульню "Блін гарыць".
Мерапрыемства прайшло цікава, дынамічна, пазнавальна. Дзеці запомнілі шмат інфармацыі пра сталіцу сваёй Радзімы.
Выхавацелі дашкольнай адукацыі
Л.І.Назарава,
Т.В.Банцевіч