Я – грамадзянін Рэспублікі Беларусь
23.03.2018О Беларусь, мая калыска,
Жыццё маё, прытулак мой!
З гарачаю любоўю нізка
Схіляюся перад табой.
З 12 па 15 сакавіка ў ДУА “Чухаўскі яслі-сад Пінскага раёна” прайшла акцыя «Я – грамадзянін Рэспублікі Беларусь». На працягу чатырох дзён выхаванцы старэйшага ўзросту падарожнічалі разам з выхавальнікам дашкольнай адукацыі Свірыд М.В. па роднай краіне.
У першы дзень выхавальнік расказала дзецям пра сімволіку Рэспублікі Беларусь, прадэманстравала на малюнках самыя прыгожыя архітэктурныя будынкі нашай сталіцы.
У другі дзень адбылася экскурсія ў Чухаўскую сярэднюю школу. У школе
настаўнік гісторыі Нарывончык Святлана Аляксеяўна пазнаёміла дзяцей з выставай экспанатаў розных эпох Беларусі.
У трэці дзень падарожжа адбылася экскурсія ў Чухаўскую бібліятэку. Бібліятэкар Лінкевіч Таццяна Пятроўна арганізавала для дзяцей выставу кніг пра родную Рэспубліку Беларусь, вёску Чухава, знакамітых аднавяскоўцаў.
Сустрэча з Таццянай Пятроўнай атрымалася вельмі цікавай і запамінальнай.
У апошні дзень падарожжа, 15 сакавіка, дзеці пазнаёміліся з Канстытуцыяй Рэспублікі Беларусь – асноўным Законам Рэспублікі Беларусь.
У канцы падарожжа, у знак таго, што мы жывем у працавітай і вельмі гасціннай краіне, дзеці частаваліся хлебам і мёдам.
Любіце свой край. Кожны дзень адкрывайце для сябе прыгажосць роднай краіны. Прыслухоўвайцеся да нашай пявучай мовы. Заўважайце дабрыню, адкрытасць, таленавітасць нашага народа. І вы адчуеце ў душы вялікі гонар за сваю Радзіму.
А.В. Кірыковіч, загадчык
ДУА “Чухаўскі яслі-сад Пінскага раёна”.